பள்ளிக் காலத்தை
மறக்கமுடியவில்லை
பள்ளி ஆசிரியையிடம் அடி வேண்டியதை
மறக்கமுடியவில்லை
பள்ளிக்குப் போகாமல் ஒளித்ததை
மறக்கமுடியவில்லை
தேர்வில் குறைந்த மதிப்பெண் பெற்றதை
மறக்கமுடியவில்லை
அன்பு வைத்த நண்பர்களை
மறக்கமுடியவில்லை
உன்ர மூஞ்சிக்கு ஒரு காதலாவென
நெற்றிக்கு நேரே மறுத்த தோழிகளை
மறக்கமுடியவில்லை
விரும்பிய பொருள்கள் கைநழுவிப் போனதை
மறக்கமுடியவில்லை
விரும்பிய செயல்களை நடாத்த முடியாமையை
மறக்கமுடியவில்லை
விரும்பிய ஆள்கள் பிரிந்தமையை
மறக்கமுடியவில்லை
இல்லாளுடன் சண்டை போட்டதை
மறக்கமுடியவில்லை
கடன் வேண்டிச் சிக்கி அழுததை
மறக்கமுடியவில்லை
தொழில் இன்றி வீட்டில் கிடந்ததை
மறக்கமுடியவில்லை
படிக்காதவனென
பலர் என்னை ஒதுக்கியதை
மறக்கமுடியவில்லை
காசில்லாதவனெனப் பிரிந்த உறவுகளை
மறக்கமுடியவில்லை
இணைந்தால் தொல்லையென
இணையாது இருக்கும் உறவுகளை
மறக்கமுடியவில்லை
இப்படித்தான்
எத்தனையோ நினைவலைகளை
மறக்கமுடியவில்லை
எப்படியிருப்பினும்
எதிர்பார்த்த எல்லாம் கிட்டாது போனால்
எப்போதும் மறக்க முடிவதில்லையே!
யாழ்பாவாணனின் இலக்கிய முயற்சிகள் அல்லது இலக்கியப் பதிவுகள்.
No comments:
Post a Comment
தங்கள் கருத்துகளை வரவேற்கிறேன்.
உங்கள் யாழ்பாவாணன்.